September 28, 2017

Rules

Aruba Drag Racing Association 

Address:  Seroe Preto # 10-B

Phone:  +(297) 593-7783 (Raul) | +(297) 732-3760 (Rignald)

Email: arubadragracingassociation@gmail.com

Revival of Palo Marga II committee

House rules

DOWNLOAD PDF VERSION: Click Here

Aruba International Raceway Park “Palo Marga”                                                 Entrante 1 di september 2017

  1. Tur vehiculo mester tin sticker di inspection prome cu subi pista pa roadtest/tunning y/of pa e programa di careda na pista
  • Sanccion: lo no wordo permiti pa hasi niun pass sin cumpli cu esaki prome

a). Den caso cu ta un vehiculo nobo y no tin persona pa inspecciona e vehiculo, e vehiculo aki lo no wordo permiti pa hasi runs riba e

pista pa e dia/evento ey.

b). TUR vehiculo mester a pasa nan inspeccion annual prome cu e prome evento di aña pa por hasi runs riba e pista.

c). Tin posibilidad pa hasi peticion pa inspecciona vehiculonan, di antemano, na nan garashi.

 

  1. Tur vehiculo MESTER tin “diapers”.
  • Sanccion: (si mester kita e “diapers” despues di pasa inspection) lo ta un boet di Awg. 250,00. E boet aki mester ta paga prome cu por hasi uzo bek di e pista. Den e caso aki, nos ta verwacht ayudo di e crew di e vehiculo aki y lo duna nan Afl. 100,00 bek como recompensa pa nan ayudo.
  1. Import Class su dak a baha pa 10.99 of mas rapido. Pa Fast Import (cu tentativamente lo wordo cori 1 biaha pa aña) e dak lo ta 9.50 of mas rapido.
  2. No ta permiti ningun hende den toren pa NINGUN motibo
  • Sanccion: lo haja waarschuwing y si e sigui pasa lo bin sanccion mas severo
  1. Cualkier reclamo of protesta ta keda dirigi na e Race Director na e lugar asigna. (Primeramente patras di e vangrails dilanti e cura di e toren). No ta permiti insulto, menasa of atenta of agredi e Race Director, officials y/of e starter(s). Ta trece protesta of reclamo na un manera diplomatico/cu respet padilanti. tur protesta mester wordo treci padilanti dor di e COREDOR en cuestion.
  • Sanccion: (den caso di incumplimento) schorsing di 6 luna pa e driver y su respectivo vehiculo
  1. Instruccion di officials y/of security guards NO por wordo ignora of viola
  • Sanccion: waarschuwing y si e sigui pasa lo bin sanccion mas severo
  1. Velocidad MAXIMO den pit area lo ta 15 km/ora
  • Sanccion: (den caso di incumplimento) schorsing di participacion durante e resto di e evento y mas e siguiente evento
  1. No ta permiti warm-up runs den e pit area (den e parti despues di e ticket booth direccion final di pista ta permiti hasi esaki, pero cu permiso di Event Director (pa Aruba Drag Racing Association); ESAKI LO TA POSIBEL UNICAMENTE PROME CU E EVENTO DI E DIA CUMINSA).
  • Sanccion: (den caso di incumplimento) waarschuwing y sigui pa schorsing di participacion durante e resto di e evento y mas e siguiente evento si esaki sigui tuma lugar
  1. No ta permiti ningun conducta inapropia riba Palo Marga (Esaki ta inclui draai mento di auto, standing burn out, of coremento di auto extensivo den area publico)
  • Sanccion: (den caso di incumplimento) e team di cual e persona aki ta forma parti lo wordo geschors di e evento y pa e proximo eventonan cu un duracion di 6 luna of 1 aña dependiendo na e severidad.
  1. No ta permiti pa tool car/golf carts/ATV’s/Pocket bikes wordo maneha pa mucha menor di 16 aña
  • Sanccion: (den caso di incumplimento) waarschuwing y sigui pa schorsing di participacion durante e resto di e evento y mas e siguiente evento si esaki sigui tuma lugar
  1. No ta permiti trece bebida alcoholico den e facilidad di Palo Marga
  • Sanccion: (den caso di incumplimento) e team di cual e persona aki ta forma parti lo wordo geschors di e evento y pa e proximo eventonan cu un duracion di 6 luna
  1. Lane 1 pa Import Class, Lane 2 y 3 pa Box, lane 4 pa No Box, lane 5 y 6 pa Motorcycles (incluyendo Pro Bike, Quadracers y Jr. Dragsters).
  2. Sequencia di Bye-runs: 1. Best reaction time di e ultimo round di qualifying lo haja bye run si tin un cantidad oneven den prome round di eliminacion. 2. Best reaction time di e round anterior lo haja e bye run den e siguiente roundnan di eliminacion.
  3. Tur categoria ta core random (cu excepcion di e categorianan: Motorcycles, Pro Bikes, Quadracers y Jr. Dragsters y Super Classes)
  4. E proceso di Pre-Stage/Stage ta keda un gentleman agreement
  5. Competition numbers y dial in MESTER ta visible (minimo 4 inch di grandura).
  • Sanccion: (den caso di incumplimento) e competidor lo perde su round di competencia
  1. No ta permiti competition numbers marca cu Shoe polish
  • Sanccion: (den caso di incumplimento) e competidor lo perde su round di competencia
  1. Pre-Stage ta equivalente na acepta e careda (y eventual fout den dial-in). NO tin excepcion!

 

  1. Entrada te na waterbox ta permiti MAXIMAAL e cantidad di crew members di e team dependiendo di e categoria cori conforme e siguiente lista (y MESTER tin MINIMO 16 aña):
Pro Bike (4) No Box (1) Box (2)
Pro ET (2) Fast Import (3) Import (2)
Jr. Dragster (2) edad minimo 8 aña

 

  1. Ta permiti SOLAMENTE 2 crewmembers entre e waterbox y e X-mas tree. E starter pa e categoria ProBike MESTER keda warda na e waterbox
  • Sanccion: (den caso di incumplimento) waarschuwing y si e sigui pasa e competidor lo perde su round di competencia
  1. No ta permiti NINGUN crewmember riba e pista entre waterbox y X-mas tree durante e proceso di BurnOut. Tur hende MESTER keda patras di e waterbox of na banda/patras di vangrails incluyendo crewmembers pa vehiculonan Altered y Dragsters. Despues cu e vehiculo para/stop completamente ta permiti pa subi pista y asisti e driver
  • Sanccion: (den caso di incumplimento) waarschuwing y si e sigui pasa e competidor lo perde su round di competencia
  1. Crewmember cu ta asisti e driver pa Pre-Stage MESTER bandona e pista di inmediato prome cu Pre-Stage light bai “ON”
  • Sanccion: (den caso di incumplimento) waarschuwing y si e sigui pasa e competidor lo perde su round di competencia
  1. TUR crewmembers ta bandona starting line area asina cu nan vehiculo (cu cual nan a pasa e heki) pasa finish line y ta bai PATRAS di e hefboom. NO ta permiti keda para banda di e toren of cura di toren
  • Sanccion: (den caso di incumplimento) waarschuwing y si e sigui pasa e competidor lo perde su round di competencia
  1. Den caso di emergencia ta warda riba aprobacion di Race Director of starter(s) pa subi pista. Safety Safari Crew/Brandweer/Ambulance y Officials ta e UNICO cu ta atende situacionnan di emergencia. NO ta permiti NINGUN hende, mucho menos vehiculo, pasa via di e entrada di ticket booth pa bai na final di pista sin previo autorisacion.
  • Sanccion: (den caso di incumplimento) minimal schorsing di e corredor for di competencia pa e evento ey plus e siguiente evento
  1. E Event Rules aki ta aplicabel pa TUR participadornan di TUR categoria (auto, motorcycles, quadracers, Jr. Dragsters), tambe crew member / helper y publico. NO tin excepcion pa NINGUN team y bao NINGUN circunstancia.
  2. E tempo MAXIMO entre dos round di competencia pa ta cla pa e siguiente round di competencia ta:

 

15 min 45 min
Box / No Box Pro Bike
Import Fast Import
TUR otro categoria di motorcycle Criyollo outlaw
Jr. Dragster Y otro Pro Categories di 8.90 of mas rapido

 

  1. Manehadornan di Scooters coriendo 8.90 of mas rapido MESTER usa FULL pack
  • Sanccion: (den caso di incumplimento) no ta permiti e vehiculo aki bai abao durante rounds di competencia (e ta wordo descualifica automaticamente pa e round ey)
  1. Autonan cu tempo bow di 13.50 mester tin tubo 4 point, jacket y helm. Exception di auto nan FULL stock di fabrica te cu 12.50 riba ¼ mile, pero si ta rekeri cu driver mester tin jacket y helm.
  • Sanccion: Unabez cu e vehiculo core mas rapido cu 12.50 e NO ta wordo permiti pa bai abao riba pista sin cumpli cu esaki
  1. Cambio di number di un vehiculo pa otro durante un evento NO ta permiti bao ningun circumstancia.
  • Sanccion: (den caso di incumplimento) schorsing di 6 luna pa e driver y su respectivo vehiculo
  1. Break-down ta wordo considera ora un vehiculo haja un desperfecto despues cu su dial-in a wordo hinca den sistema. Starter / Race Director tambe por constata un break down den caso cu e auto no ta den condicion pa partisipa. Esaki ta duna un bye run AUTOMATICAMENTE na e contrincante.
  2. Alternate driver: no ta permiti cambia driver di vehiculo mas (bou ningun circunstancia) despues di e prome round di elimination.
  3. Lane choice: pa ‘pro categories’ y ‘bracket categories’ ta bai pa e driver cu e miho reaction time den e round anterior.
  4. No ta permiti drivernan participando na e evento ta bao di influencia di droga y/of alcohol (of cualkier otro substancia psycoactivo). Den caso cu bo wordo gara, lo bo wordo descualifica y saca for di participacion pa e evento.
  5. Ripiticion di violacion di e reglanan aki riba menciona ta significa suspencion pa 6 luna (den caso di puntonan 7, 8, 9 y 23 ) of 1 aña (den caso di puntonan 5, 10 y 28 ) y tambe cancelacion di puntuahe pa e temporada vigente di tanto e puntonan local como esnan di IHRA tanto pa e coredor como e vehiculo en cuestion. Cualkier acceso na Palo Marga pa duracion di un (1) aña TAMBE por wordo aplica den caso di situacion serio!
  6. Tur reglanan di IHRA y otronan aplicabel na International Raceway Park “Palo Marga” ta keda vigente.
  7. E House Rules aki a drenta na vigor desde 1 di september 2017 y ta keda na vigor tanten no tin cambio na dje y dicho cambio(nan) lo wordo comunica por escrito pa miembronan di Aruba Drag Racing Association [ADRA] (y demas participantenan) por ta na altura.